"Sen biçak görmegeý!" diýesim geldi.
Göýä özüñ muny bilmeýän ýaly.
Del keşbiñi esli aýnada synlap,
Ýylgyryp-ýylgyryp, gülmeýän ýaly.

Söýmeklik barada öwremok pikir,
Inçe duýgum onça ýüzleý däl munda.
Hemem ynandyrdym göwnümi kemsiz
Ýollaryña garaýanyñ barlygna.

Ýüregim sarsylmaz dursañ-da näçe,
Müñ bir okdan zyýat nazaryñ gezäp.
Özgäñ durmuşyny bezäp ýörenler
Meniñ hyýalymy bilmezler bezäp.

Goý,eliñden geldigiçe bagtly bol,
(Maña senden ýüzüm sowmak şeýle kyn!)
Emelsizligime ýetirmän dilim
Ykbalymdan nalap gezjek meýletin.

Barybir,pikriñi zelel däl aýtmak,
Badym saklap biler haýsy mejburlyk?!
"Sen biçak görmegeý!" diýesim geldi,
Şu goşguny ýazmak bilen meşguldym.

Mahym Nurgeldiýewa

13.04.2022ý.