Eý, adamlar,
Sözi asal adamlar!
Meniň tutuklygmy göwne almaň siz,
Ynjamaň siz agras çyksa sözlerim.
Size däldir didelermiň kinesi,
Sizden däldir ýaşa dolsa gözlerim,
Takdyr maňa tukat ykbal eçilip,
Alçaklygmy girdabyna ýyllaryň
Oklady-da, heýhat goýdy ornuna.
Işim bolmaz hile bilen, al bilen,
Sulhum almaz şelaýynyň gybatyn,
Dost syryna sandyk boldum, azmadym.
Öz janyma dözdüm, dosta dözmedim,
Ah, men ykbal bilen ýalňyz söweşdim,
Tamakin bolmadym:
«Bar men» diýenden,
Aman dilemedim her öňýetenden.
Baş egere merdiň merdin gözledim...
Iň soňy bu ykbal utdy daraşyp,
Meni menden alan ýyldan soraşyň!
Ygyp galdym men özümden azaşyp,
Eger mümkin bolsa tapyp alajyn
Maňa meni gaýtarsynlar, haýyşym!

«AWAZA» ŞYPAHANASYNYŇ
HÜNÄRMENI.
Awtory bagyşlasyn adyny alan ýerimde görkezenok.