Çekinmän aýtmaly aýtjak zadyňy
Nämä gerekmişin çekinip gezmek
Nämä gerek iliň gepini çekip
Ýaşap,ýaşanyňa ökünip gezmek

Şonuň üçin ilki özüňi syla
Soň iliňi tana iliňi syla
Ula hormat goýup ,kiçini söýüp
Ýetim çagalaryň başyny sypa

Juda çylşyrymly durmuş öwrümi
Bilgin dek gezýändir mydam dok gezen
Biderek sarp etmän gysga ömrüňi
Bu ýagty jahanda ýagşy at gazan

Abraý gazanmak juda kyn zatdyr
Abraýly gezmek ondanam kyn zat
Abraýňy dökmek örän aňsatdyr
Biabraý gezmek ondanam aňsat

Gerçeknazar Amannazarow