Uzaklara dikip gamgyn nazarym,
Hasaplaýan bu ýyllaryň çakyny,
Meň häzir şeýle bir göresim gelýä,
Eli pilli ýer agdarýan kakamy.

Çagakaň hemmeler soraýar senden,
Sen ejeň gyzymy kakaň gyzymy?
Menden şu gün şony soran bolsady,
Pikirlenmän diýjek kakamyň gyzy.

Mahal-mahal gazma dutar heň eder,
Gezekleşip dişlärdik oň sapyndan,
Sen saz çalyp ýeňledipsiň ýüregňi,
Oýlanmadyk seň ýüregiň hakynda.

Maý tapaýsaň çalyp “Altyň birini”,
Ezizow deý tarypladyň “Gyzlarňy”,
Her niçigem bolsa bagyşla kaka,
Dogulamda meň gyz bolup doglanmy.

Ogulnur Ataýewa.