Bu dünýä gelemde göz açyp gören,
Janyndan jan beren mähriban ejem.
Mähir süýdin gursagymyza siñdiren,
Janyndan jan beren mähriban ejem.

Hüwdi aýdanynda hüwdiñ her bendi,
Her işe ýörelge enäniñ pendi.
Terbiýelär galkyndyryp perzendi,
Janyndan jan beren mähriban ejem.

Saba oýanamda düşýäñ ýadyma,
Uzak ýaş dileýän seniñ adyña.
Kyn günde dogalañ ýeter dadyma,
Janyndan jan beren mähriban ejem.

Allam, aýyrmagyl ejemden meni,
Rugsat ber, eşdeýin mydam sesini.
Ejelerimiz berýär deminden demi,
Janyndan jan beren mähriban ejem.

Mollanyýaz Hakyjanow