Näme üçin ?
Näme üçin iň wajyp zatlar soňuna goýulýarka?
Toýda bagşylaram iň gowy aýdymlaryny soňundan aýdýar.
Film görseňem manysy soňunda jemlenýär.
Kitabam şeýle, soňuna ýetmeseň netije çykaryp bolanok.
Sözlemiň soňuna bir nokat gerek. Nokatsyz sözlem tamamlananok.
Sakawy soňuna çenli diňlemeseň näme diýjek bolýanyna düşünip bolanok.
Ynsan soňky demini alyp-berýänçä onuň ömrüne baha bermek kyn.
Soňky dem.
Gymmatly soňky dem.
Jemleýji hemem howply soňky dem.
Ömrüňi haýyrly ötürip soňky demiňde imansyz gitmek howpyndan kim azat?
Haýyrsyz ýaşan biriniň toba gapysy ýapylmanka soňky demde edip ýetişen tobasynyň kabul bolmajagyna kim kepil geçip biler?
Kimiň soňy nähili gutarjagy belli däl.
Soňumyza çenli belli däl.

Soňda jemleme bar.
Ýaradan dinini yslam bilen jemleýär.
Pygamberler zynjyrynynyň soň halkasyny Muhammet (saw) bilen tamamlaýar.
Kitaplarynyň soňky nokadyny Kuran bilen goýýar.
Bu soňa goýlan amanatlara üns beriň:
dinimiz soňky,
Pygamberimiz soňky,
Kitabymyzyň soňky.
Bular ýöne ýere soňa goýulmadyk bolsa gerek.
Bular soňky zamanada ýaşaýanlar üçin hasam soň dereje gymmatly.

Şeýleräk hadys ýadyma düşdi: «Her namazyňy iň soňky gezek okaýan ýaly oka».
Dogry, her namazy däl, her güni soňky gün ýaşaýan ýaly ýaşap bolsa.
Her agşam geçen günüň bilen ýüzleşip-hasaplaşmagy basarsaň…

Ýazgymy optimistik soňlamak isledim.
Unutmaň! Iň ähmiýetli, iň gözel zatlar soňa goýlandyr.
Jennet hem soň, Jemal hem soň.
Ynananlara nesip etsin, bu gözel soň, bu gozel soňsuzlyk.

Sakawyň soňy.
Pikirlenmek üçin bir topar soňlar....
Günüň soňy
Ýylyň soňy
Zamanaň soňy
Demiň soňy
Ömrüň soňy
Niýetiň soňy
Amalyň soňy
Şeriň soňy
Haýryň soňy
Sabryň soňy
Zulumyň soňy
Zalymyň soňy
Mazlumyň soňy.

@mango.