Men güllere seretmegi halaýan -
Uly lezzet alýan synlap olary
Güllerden güllere uçup gezerdim
Ynsan däl-de, bolan bolsam balary

Men güllere seretmegi halaýan -
Bir minut gözümi aýyryp bilmen
Gülden güle gonup täsin saýrardym
Ynsan däl-de, bolan bolsam bilbil men

Men güllere seretmegi halaýan -
Ary däl, bilbil däl – men aňly adam
Gülleriň hem güle meňzeş gyzlaryň
Waspyny etmeklik höwesek zadym

Men güllere seretmegi halaýan –
Gözellikdir idegläni gözlermiň
Şol gülleriň, şol gyzlaryň biri Sen
Şükür, soňy boş çykmady gözlegmiň!