Öňem bir oglanjyk ejesinden soraýarmyş:
-Eje, seni kakam nirden tapd-aý?!
-Wa-a-h jan oglum, oň meni nirden tapandygyn-a bilemok. Ýöne şumatkysyndan beter gürlemänjik, dymyp dur-y-y-ýp içjagazymy ýakypjyklar aldy-da men görgülini!
-«Gürläýin» diýlende ýeke agyz geplemäge maý bermeseň näm-aý?!-diýip goňşy otagda olaň gürrüňini diňläp ýatan kakasy hüňürdeýämiş :-).

Ilki awtora seretmäm bar. Seretmän bildim. Menem ýylgyrdym. ))))

Mende bar kakamyñ güldirýänje sözi wln ýazmaýyn;)))

Rowaýat:
Biriniň gyzy dili beýnisinden öň işläp başlaýan laňňasymyş. Onsoň günlerde bir olara osmakçy gelip, birki günden sözaýdyjy gapylaryny kakjakdygyny duýduryp gidipdir. Öňem näçe sawçy, gyzy bilen iki agyz gepleşen badyna getiren saçagyn-a alyp, köwşünem geýmän goltuklap jyrýan görgüliler, bu gezek gyzlaryna öliň sargydyny edipdirler: “Gepläýmegin, zynhar gepläýmegin! Ýeke agyz dil ýardygyň, barysyny bulaşdyryp äpberýäň! Sag-aman garamatyňy başlaryna ataly, onsoň o taýda diliňe degirmen dakýançalar, gürle-de otur!”.
Joralarynyň hemmesi durmuşa çykan gyzam gitmäge göwünjeň bolany üçin aýdylanyna pugta eýermegiň kül-külünde, ýaman berkden otyrmyş.
Sawçy gelipdir.
Bissimylla, işikden ätläp, törde jaýlaşypdyrlaram welin, daşarda gök gümmürdäp, jala geläýipdir.
Öýüň eýesem awçy bolansoň oň salpygulak tazysy barmyş.
Şol janawerem öň şeýle ýagyn-ýagmyrda öýe girip, ojagyň başynda guranyp ýatmaga endik edipdir. Şol sebäpli bu gezegem janawer öýde myhman bar-ýokdugyna ähmiýet bermän, süsdürilip öýe giripdir-de, ezilendigi zerarly art aýaklarynam açyp, jaýjarylyp, ojaga golaý oturyberipdir. Sähel wagtdanam tazyň endamy gyzyp, onuň garnynyň aşagyndan, satanynyň arasyndan ýeňiljek bug göterilmäge başlapdyr.
Munam ýaňky öýüň durmuşa çykmaga höwesek gyzy, uz sülmüräp gabak astyndan synlap otyrmyş.
Ine şu ýerde-de, “gan bilen jan bilenem çykar” diýleni bolupdyr.
Ýaňky gyz özüne erk edip bilmän dil ýaranynam duýman galaýypdyr:
-Aý kaka, eje, “gürleme” diýseňiz gürlemäýin welin, häzir tazyňyzyň-a t...şşagy ýanýa! :-)

Toba her hilisi bar-ow???

Medeni dilde-de ýazyp bolanokmy. Ya medeni dilde ýazsañ kakañ sizi bolanokmy:))

Sòzi*

Ahmall, medeni dilde gurleýä dä kakamam. 1nji teswir pisint. Borlaý. Ýatladym da häli, ýylgyraýpdyryn:)