Degişme

Meň başymy aýlap biljek sözi tap,
Sowgady tap,kabul etmän bilmäýin.
Sen ýylgyryp dymdyň.

Dostlarym kän,internetde tanyşan,
Jaň edýärler,gürleşýärin daňa çen,
Senem ýöne gezen dälsiň maňa çen,
Sen ýylgyryp dymdyň.

Joralam bar özüm ýaly owadan,
Tanş edeýin ýetik olaň sowadam,
Tanyşjakmy?Şäherdenmi,obadan?
Sen ýylgyryp dymdyň.

Aýlyk aldym,ertir saçym boýatjak,
Telefona pul salmaly bolaýsam,
Işe gitjek on birden öň oýansam,
Sen ýylgyryp dymdyň.

Içim ýanýar iki täze köýnegmem,
Tikinçimiň birigüne goýanna,
Seň tikinçi bolaýşyňy,waý, Alla!
Sen ýylgyryp dymdyň.

Öý süpürsem täze sübse döwülýär,
Nahar etsem,dyrnaklarym döwülýär,
Edibersin ejesinden öwülýän.
Sen ýylgyryp dymdyň.

Hiiiiiiiiiihh!
Şindem durmuň şu zatlary eşdibem?!
Şundan soň-a çekmeýär-le keşdiňem,
Durup,durup wägirjeg-ä dälsiň-dä?!
Sen ýylgyryp dymdyň,
Şeýdibem yrdyň.
Awtor: Lachyn Purjayewa
Ceşme:nexttm
Paýlaşan agza:Krasawchik