AHWALYM

Göwnüm ýykyldy ugruňda,
Üstümde-de ýalňyzlygyň keşigi.
Derkarlygyň ýom-ýok edip,
Durmuşymyň ýanlygyny
ýaýýar gussalaň pişegi.

Alyp beren boýunbagyň,
Bogup barýar demsizlige.
Çensizligiň ugry bilen
Wagtam meni getiripdir
Sensizlige.

Hat-da, kölegäňem düşmänsoň,
kerep ördi otagymyň
petiginiň burçlaryna.
Hem gelendir hazan ýeli
Guşlugyma.

Ýitirmek tapmaga umyt,
Ömürleň bolsa heňdeşi.
A men nirden agtaraýyn
Gözlerime keşbi siňen
"Özgäň bagtyna meňzeşi".

Isa HOJAMERDANOW