Toýuñ diýip eşitdim

Kalbymda gömülen söýgiñ içinde,
Haýyş, bir gül goýuñ diýip geçipdim.
Bagtyñ baglap bu gün özge ojakda,
Göz degmesin, toýuñ diýip eşitdim.

Doldursa özgeler meniñ ýerimi,
Bagtly bol diýp, öz içimde ses etdim.
Duşsañ geç öñümden gysyp egniñi,
Arzuw eden toýuñ diýip eşitdim.

Ölmegime sebäp bolsa-da entek,
Diri men ýaşaýan, hawa, ýaşatdyñ.
Ýöne meni ýykan gussaly derdim,
Şol habardy toýuñ diýip eşitdim.

Sessiz agla kalbym ýeñleýän bolsañ,
Gursagym daşdan däl içden deşipdiñ
Unudan sözleriñ ýadyñda bolsa,
"Jemşit men mydama señki" diýipdiñ
Emma bu gün toýuñ diýip eşitdim.

Jemşit Hajymämmedow