Asmanda ak guşum, ýerde melegim,
Sensiň meniň biri-bardan dilegim,
Arzuwly geljekde hemde şu günim,
Söýerin ezizläp, söýerin gülüm.

Uzynja saçlarňy gaýtalap, ysgap,
Özüňi bagryma basardym telim,
Men seni söýmäge rugsat berseň,
Söýerin ezizläp, söýerin gülüm.

Söýgi simwolyna adymyz ýazyp,
Ak guwlaram bize etsinler çalym,
Söýgiň taryhyna girmegmiz üçin,
Söýerin ezizläp,söýerin gülüm.

Seni soňsyz söýjegime ant içýän,
Gursagmyň üstünde goýýaryn elim,
Sen maňa sähelçe ynamyň berseň,
Söýerin ezizläp,söýerin gülüm.


Söýerin söz berýän soňuna çenli,
Söýerin men seni durýança demim,
Alla kuwwat bersin,entäk dirikäm,
Söýerin ezizläp, söýerin gülüm.

Arzuwym,öýümde öýmeli bolsaň,
Arzuwym,sen maňa bolsadyň gelin,
Şu günümden, tä-ä men olinçäm,
Söýerin ezizläp, söýerin gülüm.

19.12.2023

Merdan Nuranow