Akmak adamlar hemme ýerde bar. Olara gytçylyk ýok. Bu adamlar özleriniň
akmadygyny bilmän ömrüni ahyrlaýarlar. Indi bolsa kimi akmak diýse bolar
diýilýän sorag gelip çykýar.
Birinjiden, akmak adamlar iň bolmanda hilegärligiň dürli görnüşlerine
ýüz urýarlar. Olar sada, ýalta,nalajedeýin adamlary tiz görýärler
we olaryň ynamyna girýärler.Olaryň birinji emeli ýallaklamak
we magtamak.Köp adam magtalsa derrew özlerini ýitirýärler. Aslynda
magtalmakdan netije ýok. Bu aldanmagyň bir görnüşi. Başga hiç zat däl.
Seni magtaýan senden bir zat isleýär. Özäm mugt. Ýogsa seni magtamak
oňa nämä gerek.
Ikinjiden akmak adamlaryň gadymdan gelýän ýörite goranyş usullary bar.
Ýogsa akmak adamlar akylly adamlar tarapyndan jezalandyrylmagy mümkin.
Olaryň goranyş usullaryny bolsa özüňiz gözläp tapyň. Köpräk çeper
edebiýat okaň. Edebiýatda görkezilýän otrisatel adamlaryň aglabasy bular
akmak adamlar.
Özüňe gezek gelende bolsa akyllymy sen ýada akmakmy bilmek kyn däl.
Okap we ýazyp bilmezlik bu birinji we esasy alamat. Adamlary diňläp
olaryň aýydýan sözlerinden many çykaryp bilmezlik bu ikinji alamat.
Içgi, çilim, otyryşmalar bu üçünji alamat. Aldaw bilen gazanç edýän
bolsaň bu dördünji alamat. Biriniň zadyna we wezipesine göz gyzdyryp
oňa ýallaklaýan bolsaň bu bäşinji alamat.
Şu aýydýanlarym ýeterlik bolsa gerek. Galanyny özüňiz okap öwreniň.
Aslynda meniň üçin parhy ýok. Siz akyllymy ýada akmakmy. Akylly bolsaň
akyl aljak bolup otyramak çünki meniň özüm akylly. Akmak bolsaňyzam
parhy ýok çünki siziň biriňizem menden akyl aljak bolup synanyşmarsyňyz.
Aslynda men bu zatlary siziň üçin ýazmadym. Bir adam üçin ýazdym. Bu hem
özüm. Täze ýylyňyz bilen!