Bir ýaş ýigit gündogarly pelsepeçileriň birinden endikleriň garşysyna nädip göreşmelidigini sorapdyr. Pelsepeçi oňa bir ýaş nahaly görkezip, şony sogurmagy buýrupdyr. Ýaş ýigit nahaly bir eli bilen arkaýyn sogrup taşlapdyr. Soň pelsepeçi oňa ulurak bir nahaly görkezipdir. Ýaş ýigit onam çekip aýrypdyr. Ýöne bu gezek ýaş ýigit iki elinem ulanmaly bolupdyr. Has ulurak nahaly sogrup aýyrmak üçin bolsa ýigide dostlarynyň hem kömegi gerek bolupdyr. Pelsepeçi olara has ulurak bir agajy görkezipdir. Olaryň bary jemlenseler-de bu agajy ýerindenem gozgap bilmändirler.

Pelsepeçi ahyry olara şeýle sapak beripdir:

– Ine, endiklerimizem şu zeýillidir. Heniz kök urmanka, olary sogrup aýyrsa bolar. Ýöne esli wagt geçensoň, mazaly kök uransoň bolsa, olary goparyp aýyrmak gaty kyn düşýär.

cesme ylymlu.com