Eneler ir gidýär perzentlerinden,
Ýazgydy ,çözgüdi,nobaty bilen
Bu dünýä sygmajak hasraty goýup,
Bu dünýä sygmajak hormaty bilen

Ejeler ir gidýär perzentlerinden,
Hut bolmaly zat deý üýtgeşik bilmän
Perzentler alaçsyz diş gysyp galýar
Ýalançynyň çözgüdin üýtgedip bilmän

Ýa-ha deňeşdirip ömürleň kaddyn,
Ýa-da janyňdan jan berip bolsady,
göz açyp ilkinji gören käbäňi,
Gözleň ýumulýança görüp bolsady

Kerim Hally