Gyş aýazy at säpjetse köçäñde,
Ak gar golun çyzgap,depäñden eñse,
Guwanman erteki kybap görnüşe
Ýygrarsyñ señrigiñ:"Baharym gelse."

Tañryñ güni gawun pisint sanalgy,
Gelibiýr baranly bahar gyssasañ.
Güllerniñ müşküne ma:ýyl eden maý
Kölge gözläp zeýrenersiñ yssydan.

Şagalañly pursata baý çagalyk
Doýurýandyr oýun-baza açlygy.
Gyzygyp-garylyp gitjek ýalysyñ,
A sen bolsa alñasarsyñ ýaşlyga.

Juwanlyk dünýäñe bolaram myhman,
Hyjuwlydyr ýetikdir oñ göçgüni.
Ökünersiñ kynçylyklar kösände
Küýsäp,çagalygyñ köñül köşgüni.

Gyssagyñ gabawa salanda wagtyñ,
Ylgaw bilen ýetişeñde işiñe.
Ýene kakybiýrsiñ dileg gapysyn:
"Ah,boşlawrak bolaýmaly,diýsene"

Günleñ biri ümsümligem inäýer
Diýýän dek:"Menmi ýa ähli geregiñ?"
Göräýmäge ,bolsa-da oñat ýaly
Aşa tukatlykdan gysar ýüregiñ.

Ýakynlaryñ gallar durar daşyñy,
Ýüregiñ teselli arar ýatlardan.
Şol bir duýgy gezekleşer göwünde
Başgaça pursatda başga zatlarda.

Ynjyk göwnüm,saña ýaranmak ne kyn,
Jogabym ber, ýer goduklap,dymmagyn.
Neçüýn dünýäñdäki ajaýyplyklañ
Ýitirmezden duýmaýarsyñ gymmatyn?

Mahym Nurgeldiýewa.

19.07.2020