Hijri 104-nji ýylda Kufe şäherinde aradan çykan meşhur alym Şaabi Kufe mesjidinde täsirli wagyzlar beryär, wagtal-wagtal-da diñleýjileriň pikirini sorap, jemagat bilen sowal jogap alyşýar eken. Jemagatyň arasynda bir adam hiç gürlemez, diñe diñlär eken. Şaabi ony hem gürletmek isläp, ondan:
- Sen näme üçin hiç gürläňok? - diýip soraýar. Dymma adamyň jogaby örän manylydy. Ol özüniñ dymmagynyň sebäbini şeýle düşündirýär:
- Men bu ýere özüm siziň ylmyňyzdan peýdalanmak üçin gelyärin. Ozümden iliň peýdalanmagy üçin däl!.. Şonuň üçin-de diñe gulagymy ulanýan, dilimi däl. çünki gulagymdan giren meniñ peýdalanmagym üçin girýär. Dilimden cykan-da başganyñ peýdalanmagy üçin çykýar!
Onuñ bu jogabyny eşidip ýylgyran Şaabi:
- Eý dymma adam! Gürlemän-gürlemän bir gürlediñ, ýöne gürlän şekilli gürlediň. Bu nähili ajaýyp düşünje? Käşge başgalar hem seniñ ýaly gulagyny dilinden has artygrak ulansa, öz peýdasy üçin diñlese!.. - diýýär.