Gahar:
Gahardyr özüňi unutdyrýan zat,
Gahardyr dogrynyň ýalňyşyn görýän,
Ol göýä habarsyz gelýän harasat,
Iň güýçli adamdyr ýuwudyp bilýän.
Bagt:
Şatlykdyr, gülkidir, ömri uzaldýan,
Gülüp ýaşaň. Bagtyň çeni bolmasyn.
Diňe şoldyr gaýgy-gamy azaldýan,
Adam diýildimi kemi bolmasyn.
Gaýgy:
Älemde ýok onsuz döwrany süren,
Adamda ol köp pikirler döredýär.
Ol ynsanýet dünýä gelende dörän,
Aslynda ol ýaşamagy öwredýär.
Ulumsylyk:
Adamlarda häsiýetleň sany kän
Käsinde agraslyk käsinde gahar,
Käbirleri bolsa özüne bakman,
Başgalaň ýalňyşyn ýörite tapar.

Ulumsy tutmagyn hiç haçan özüň,
Ýaňrama yzynda durmajak sözüň,
Bilýän diýip her zat aýtmak dogry däl,
Soňra sözňe jogap beräýjek özüň.