Şol gün ýolagçydym dost- ýarlar bilen
Durmuşa çalymdaş syrly otluda
Her kim bir zatlara gümra bolupdy
Men sen hakda çümüpdirin ýatlama.

Ýatlamalan jümmüşine barýan deý
Otly tizligini artdyryp barýa
Ýyldyzlar hyýala ýolbelet bolup
Aýdan senli günlen salgysyn alýa

Keşbin görmek isläp Aýa seredýän
(Göwnüm mydam şondan teselli tapan)
Ýa menden uzakda galanyň üçin
Aý hem jemalyny unutdymykan?!

Aýnadan asmany synlap otyrşym
Bu görnüş bkrzady ýanzydýar, ahmal
Bulutlar oýandy artdy ünjülem,
Nämäň alamaty häzirki ahwal?!

Damjalar syrygyp başlady ynha
Seni gözlän göreçlermiň öňünden,
Olary birýana syrjakdym welin,
Arman ol penjirän daşky ýüzünde.

Otlyn aýnasyndan gaýdan damjalar,
Az-kem aýralyga zarlajagynmy?!
Ýa-da olar hazir sen ýanagyndan,
Meň syryp bilmejek damjalarymmy?!