Salam hormatly agza!
Täze ýyla höwes bilen garaşýañmy, munuñ üçin içiñde joşgun duýýañmy ýa senem meniñ ýaly bu güni adaty gün hasap edýäñmi, onçasyny-ha bilemok. Şeýle-de bolsa bu meni töweregimdäkileriñ ählisini gutlaýşym ýaly senem gutlamak islegimden mahrum etmeýär.
Aklym bu gün "Biz ýitirip düşünýäris bu dünýä" diýen Gurbannazary dolulygyna ykrar edýär. 2022 ýitgilerimiñ meni kämilleşdiren ýyly boldy. Men häzir sözüñ doly manysynda ulalanlygymy duýýan. Saña-da ýitgisiz kämillik getiren ýyl bolandyr diýip umyt edýän.
Öñler her Täze ýyl gijesi arzuwlarymy ýazardym. Emma bu ýyl mende şol kämilligiñ getiren kaýyllygy bar. Men bu ýyl ykbalymyñ eçiljek ähli gazançlaryna, ýitgilerine kaýyl. Şeýle-de bolsa seniñ üçin käbir zatlary umyt-arzuw etmekçi.
Täze ýylda her bir alan demiñ gadryny bilip ýaşamak miýesser etsin!
Saglygyñy ýitirme eger ýitiren bolsañ, saglygyña gowuş!
Her gün gapydan gireniñde seni garşylajak agzybir maşgalañ bolsun!
Ýüregiñ çuñluklarynda beslän arzuwlaryña ýet!
Hemme zatdan möhümi ýaşaýan her bir minudyñ gadryny bil!
Täze ýylyñ gutly bolsun!