Ýyldyzlary kim kakdyka asmana,
Kimkä Aýy şol agladan ýöreden?!
Käbir adamlary küýsedip ýene,
Asyl, kimkä gijeleri döreden.

Düýşlerimiň derwezesi açyk dur,
Emma weli oňa asla gelen ýok.

Köçä çykdym,
Aý nuruny saçyp dur,
Bu gijede ygyp ýören ýelem ýok.

Bilmen häzir haýsy ýurduň çäginde,
Gije bilen gündizligiň serhedi.
Gijäň şeýle ýürekgysgynç çagynda,
Parahat uklapdyr «Parahat-7».

Bisalgy ädimim.
Ýollaň arkasy.
Uly köçe.
Ýol belgisi.
Duralga...
Adam şu zatlary ulanman gurýar,
Kalpda bir-birege ýoda guranda...

Ukusyz gijeden takatyň gözläp,
Gyýylýarsyň, geçenlere ökünýäň.
Emma geçen ýollarmyzyň ahmyry,
Didelerden geljegmize dökülýär.