Ähli zat adamyñ elinde. Şonuñ ūçinem ony, wagtal-wagtal ýuwmak gerek.

****
Pikirler edil būre ýaly, bir adamdan beýlekä bökýär. Ýöne hemmäni çakanok.

****
Hatda onuñ dymmasynda-da grammatik ýalñyşlyklar bardy.

****
Ýakymly ýalan diýýäñizmi? Ūns beriñ! Bu eýýäm döredijilik.

****
Gözbaşa ýetmek ūçin akymyñ tersine ýūzmeli.

****
Käbir adamlaryñ pikiri şeýle ýūzleý bolany ūçin, olaryñ öz kellesine-de girenok.

****
Agzyña suw alan bolsañ, gaýrat et-de, ony başgalaryñ ūstūne pūrkmejek bol.

****

Gybatlar garransoñ mife öwrūlýär.

****
Gije dat-bidat gykylyklap, kömege çagyrma. Goñşularyñy oýarmagyñ mūmkin.

****
lyk -- pikirlenmek zerurlygyndan halas etmeýär.

****
Geñ galaýmaly: Jordano Brunony Prometeýiñ hudaýlardan ogurlan oduna ýakypdyrlar!

****
Wagt öz işini edýär. Adam, sen nädýäñ?

****
Islendik sūbsäniñ özem kem-kemden owranyp, zibile öwrūlýär.

****
Ýatlamalar hakyndaky ýatlamalar hemişe kalbyñy gozgaýar.

****
Öz söýgūlisine 1001 gijeläp erteki diñlemäge rugsat etjek aýaly, heý, göz öñūne getirip bilýäñizmi?

****
Özūñi diñletmek ūçin, käte dymmak gerek.

****
Ölen bendäniñ tūýdūginde onuñ halamaýan sazyny çalmak gelşiksizdir.

****
Geniligiñ ilkinji alamaty --- öz körzehinligiñe göz ýetiren pursadyñdan başlaýar.

****
Gijeler şeýle garañky bolany ūçin olary görūbem bolanok.

****
Ol ýazyjynyñ batyrdygyny! Hiç zat ýazman, nokat goýaýdy.

****
Ýaşaýyş adamlaryñ gaty köp wagtyny alýar.

****
Agzy ýelmengi bolsa, boş bukja-da syrly görūnýar.

****
Mazaly gözūñ ýetip duran zada şūbhelenmek gowy däl.

****
Kellede her hili pikirler gaýmalaýar. Käbiri bolsa ony terk edibem gidýär.

****
Ýūzlenme belgisi garrap, bili būkūlensoñ, sorag belgisine öwrūlýär.

****
Hemişe her zadyñ ahyryndan başlamak gerek.

****
Sözūñ gymmatyna sarpa goý. Olaryñ islendigi seniñ iñ ahyrky sözūñ bolaýmagy ahmal.

****
Bulut ulam welin, kölegesi kiçi-le? Geñ galaýmaly!

****
Janlandyrýan keşbi sözsūz bolanda-da, aktýora aýdara zat bar.

****
Gorkagam gahryman bolup biler: sungatyñ gūýji şundadyr.

****
Çuñlaşmagy başarmaýan ýazyjy hemişe ýūzde gaýýar.

****
Iñ bolmanda, ylym biziñ başga bir mahlukdygymyzy subut edýänça, adamlygymyza galjak bolalyn!

****
Iñ belent gerşe çykan adam: "Mundan añry ýol ýok" diýip aklap biler.

****
Barlygy-ýoklygy bildirmeýän adam dogulmasa-da bolardy.

****
Aklyndan azaşmak diñe akyly bar adamlara mahsus.

****
Hakykaty añrybaş gymmatly hazyna hökmūnde gulp astynda saklaýan adamlaryñ özleriniñ onuñ gadyryny bilişleri ýabygorly.

****
Kä kişa bagtly bolmak ūçin diñe bagt ýetenok.

****
Ýatda saklañ: adam ūçin saýlara başga ýol ýok. Ol diñe adam bolmaly.

****
Wagtdan yza galma: onuñ yzyndan ýetjek bolýanlaryñ aýagyna çolaşarsyñ.

****
Adam art aýaklarynyñ ūstūne galan döwrūnden bäri deñagramlylygyny saklap bilmän gelýär.

****
Dymyp oturan adamyñ sözūni bölūp bolmaýar.

****
Taýagyñ iki ujy bar. Iñ gowusy, hiç tarapyna-da basmazlyk.

****
Dūnýä pähim-paýhasdan doly bolmaly. Sebäbi ondan juda az adam peýdalanýar.

****
Şemalyñ garşysyna tūýkūrýän wäşiniñ tūýkūligi öz ýūzūne dūşýär.

****
Wäşilik ūstūñden gūler ýaly hiç zat ýok mahaly döreýär.

****
Diñe beýik adamlar öz garşydaşlaryna başyny galdyrmaga rugsat berýär.

****
Öz añ-dūşūnjesi ýokary ýazyjynyñ, hatda nadan gahrymanlaram beýleki kärdeşleriniñkiden sowatly görūnýär.

****
Käbir nokatdan soñ sözlem däl-de, söhbet gutarýar.

****
Her sūriniñ öz gotury bolýar.

****
Erkinligiñem öz serhedi bolmaly.

****
Haýp ýeri, bagt özūne tarap barýan ýolda ýaýrap ýatanok-da.

****
Adam gūlmegi halaýar. Ýöne özgeleriñ ūstūnden.
****
Öz ýaşamaýandygyñy gizlemek gaty kyn!

****
Iñ soñky sözleriñ, gör, näçesi ilkinji bolmak ugrunda göreşýär!

****
Diline erk edip bilýän adam, köplenç, dymmagy başarýar.

****
Nazarym onuñ içinden geçip, añyrsynda kimiñ bardygyny görūp durun.

****
Yranýan zatlaryñ hemmesi sallançak däldir.

****
Eýýamy arheologlar döredýär.

****
Gözi açyklaryñam käte körlūge salmaly pursady bolýar.

****
Kölegeler ruhubelentligiñ gözbaşy. Olar töweregiñ ýagtylykdygyny subut edýär.

****
Käte bir pikiri ýatda saklamak ūçin kän pikiriñ başyny agyrtmaly bolýar.

****
Dūnýäniñ boşlugy öz beýnimiziñ boşlugynyñ netijesidir.

****
Onuñ saçy öz toslap tapan ýatlamalary zerarly agardy.

****
Totuguşyñ añrybaş arzuwy --- öz-özūni gaýtalamak.

****
Hakyky baýdak uzak wagt göterleni bilen solmaz.