Öwrümine,

aýlawyna salsa-da,

Ýollar bizi alyp barýar menzile.

Ümzük atyp,

kerweninden üzülmän,

Ýalkym salýas

Watanyň gül meňzine.

Gutarma ýok.

Bu ýol durmuşyň ýoly,

Ýakasyna ekilipdir çigildem.

Hasratyňy,

gam — gussaňy ereder,

Dikelseň toý,

gamdyr eger egilseň.

Tükeniksiz,

soňlanmajak senaly,

Bu ýollarda söýgi hökmürowandyr.

Akymy bar.

Şatlygynyň çägi ýok,

Baky ýaşdyr.

Ebedidir.

Juwandyr.