Günleriñ birinde ýañy ýerden saýlanyp, gök öwsüp bashlan bugdaýyñ içinde bir käkilik gözlerini süzüp, güneshläp oturan eken. Ol günüñ ýylysyna meýmiräp, uklanyny hem duýmandyr. Shol wagt niredendir bir ýerden bir tilki peýda bolupdyr. Ol uklap oturan käkiligi shapba tutupdyr. Aç tilkiniñ agzynda gözüni ýalpa açan käkilik:
- Seniñ günüñ geldi, tilki dost! Bu gün sen täzeje et iýip, hezil edersiñ. Men seniñ ýeriñde bolsam, häzir Allanyñ adyna alkysh okardym-diýipdir.

Käkiligiñ maslahaty tilkiniñ göwnüne ýarapdyr. Ol allanyñ adyna alkysh aýtmak üçin agzyny açan badyna käkilik güsürdäp uçup gidipdir. Golaýdaky agaçlaryñ biriniñ depesine gonupdyr-da, özüne timar berip bashlapdyr.

Ät galan tilki käkilige tarap gaharly garap:
- Iýmezden öñ açylyp, alkysh okaýan agyz gurasyn!- diýipdir.
Shonda käkilik gülüp:
- Biwagt ýumulan gözüñem ýüzüne köz degsin- diýipdir.
_________