Sen gidýäň ýalanyň syryp perdesin,
Özge dünýäň gapysyny kakmaga.
Goý, ykbalym maňa rugsat bermesin,
Seň biçäre bu halyňa bakmaga.

Sen şeýle bir gitmek isleýäň welin,
Garşy bolmak hukugyndan jyda men.
Wah, alajym näme, bir zady welin
Haýyş edýän, haýyş edýän juda men:

Gelipdiň gaşyma şagyzy bolup,
Men dyza çöküpdim bolup bir gedaý...
Ömrüň ýazylmadyk kagyzy bolup,
Unutmajagyňa söz ber-de, Gidäý!