Bir gün mekdebe baramyzda iňlis dili parasyna taýyn däldik, şo sebäpli içimizde bir gorky bardy. Mugallymymyz oglandy, ol okamadyklary dik duzurtdy. Soňra bize gowy öwüt nesihat berdi, şeýlebir gowy gürrüň berdi welin, hiç gün yşygy görmän birden ýagtylyga çykan ýaly bolup gitdik. Ol sözleriň her okuwçyny okuwa höweslendirjegine ynanýaryn. Hemme sözi doly ýadyma düşenok, sebäbi gaty köp zat gürrüň berdi, ýöne bilenjämi şu ýerde paýlaşmak isleýän :
"Men sizi ýöne ýere dik duzuramok, ýada muny edip keýp alamok. Men sizi okatmak isleýän. Maňa siziň okanyňyz bildirenok, sebäbi maňa gerek däl, ýöne, size gynanýanda. Men hemme zatdan azajyk bilýärin. Siziň şuwagt beýniňiz öli, ýöne okap başladygyňyzça beýin açylýar. Öwrenmek edil narkotik ýaly, bir başlasaň aýrylyp bolanok.
Siz ýat tutýanlygyňyz sebäpli bileňzok. Öwrenen adamyň ýadyndan çykmaýar. Öwrenen adam gije tuzuryp sorasaňam bilýär. Meselem sen adyňy bilýäňä, unudaňok, ýada eneň-ataň adyny bilýäňä, ýatdan çykaraňoga şolary, sebäbi diňe gaýtalap durýaň, öwrenýäň. Bulam şular ýaly, gaýtalap durýaň öwrenýäň. Häzir men bir söz aýtsam, ertirem sorasam hiç biriňiziň ýadyna düşmeýär. Ýat tutmak ady aýdyp dur, ýatda tutýaň, wagtyň geçmegi bilen ýat sypdyrýar ony. Ýöne öwrenenleriň ýadyňdan çykmaýar. Düşünmek gerek, öwrenmek gerek. Gepe elmydama wagt tapylýar, öwrenseň daže 50 ýaşda bolsaňam ýatdan çykmaýar.
Men mekdepde bezzat okuwçydym, özüme göwnüm ýetýärdi, "kurtoýdym", ýöne mugallymlar näme diýse öwrenýädim. Bezzatdym, ýöne bilimem bilýädim. Iki gezek etrapda olimpiýada alyp berdim. Ýöne gaty bezzatdym, mugallymyň maşynynam otladyk, mugallymam urdyk. Şo sebäpli 8-nji klasda mekdepden çykaryldym. Şonda bildim, esasy zat terbiýe, terbiýe bolmasa bilimiň peýdasy ýok. Mugallymlar sizi okadar, üçlük geçersiň ýa ikilik geçersiň ýöne geçersiň, soň saňa diplom berenlerinde masgaraçylygy üstüňe alýansyň. Iş ýeriňde-de sen okady diýip gitýäň, bir zat bilmeseň "sen okadyňa" diýýärler. Men iňlis dilini okadym, ýöne gelip "haýsy kremi çalaýyn" diýip soraýan bar, näme üçin, "sen okadyňa" diýýär. Sen näme okanyň bildirenok olara, "men plan okadym" diýip düşündirip bilmelidä, çopan "ýandak näme" diýip sorasa men aýdaryn iňlisçesini plan plan diýip, ýöne onuň işi ýok ol zatlar bilen, seni barlap görýär boldy. Tok soraýanlaram bar, men nä bileýin ol zatlary, ýöne "sen okadyňa" diýýär.
Ejeňiz-kakaňyz pul berip dur okamak üçin, eşikleriňizede. Ene-ata bolaňyzda düşünersiňiz, ine häzir maňa dosdym jaň edip "5 million bersene" diýdi, men bolýar diýdim, ýöne ýok ýanymda pulym. Diýjek bolýanym ene-ataňyzam şeýle, hökman tapmaly.
Pullaryny başga zada sowýanlaram bardy okamda, menem edip bilýänä, hem men olardan beter kurtoýdym, pulumam bardy. Ýöne etmedim.
Men Belorussiýada okadym, bir gezek diňe öý işimiň ýokdugy üçin 80 adamyň içinde dik duzurdy meni, men şondan soň okap, gaýdyp barmadym şo sapaga, egzamynda saýradym ýöne, bilýädim.
Rusça bilemokdym how rus ýerde. Ýöne 3 aýda öwrendim, sözleri bilýädim ýöne gepläp bilemokdym, utanýadym şo sebäpli, uly adamlaryň ýanynda gürläp bolanokda. Onsaň çagalar bilen gürleşýädim, olar seredip duranokda ýalňyşyňa çagada, näme sorasaň jogap berýär olar, grammatikany bilenokdy olaram, ýöne gepleýärlerdi. Şeýdip-şeýdip öwrendim menem, soň 3 aýda iňlisi öwrendim, 3 aý ýetik ekendä bir dili öwrenmek üçin. Öwrenseň öwrenip gitýäň, başlap bilmek gerek, soň gitýäň ýuwaş-ýuwaş.
Okamadyklaram bardy, geçdi olaram, ýöne okamadylar. Elinde diplomlary bar ýöne bilenoklar. Soň "ýene gidip okajak" diýýär biri, sebäbi bildidä indi, eden zatlarynyň biderekdigini.
Eger sen bilseň diplomada gerek ýok, diplomy pul berip haçanam bolsa taýynladyp bolýar, ýöne maksat bilmek, sen saýrap dursaň meselem kompýuteri, şol iş ýeriň alyp berýär saňa diplomy. Sen bilmedikden soň diplomlary üýşürip goýaý peýdasy näme.
Hemmesem şol bir zat öwretýär, köp kişi daşary ýurtda okap gelenlere hemme zady bilýändir öýtýärler. Olar ýaly däl, okan bolsaň bilýäň ugruňy.
Meselem men şu maşynymy 140-danam sürýän, sebäbi öwrenişen, häzir 60-dan gidip durany sür 140-dan, ýolda duryp galýar, sebäbi intek görenok ol tizligi. Sizem şolar ýaly, bileňzok ýöne okap dursaňyz öwrenişýäňiz. 
Meni ýigrenip geçiň, meniň maksadym okatmak, şo sebäpli dik duzurýan, indiki gezek okarsyňyz, dik durmazlyk üçin okarsyňyz welin okarsyňyz. Häzir 40 list nutuk ýazyň diýsem onda hakykatdanam ýigrenersiňiz. Özüňizi kösäň biraz."

Ho günräk rus dili mugallymam gürrüň berdi, sowet döwri bolany üçin Sowetlerde okapdyrlar, şonda mugallyma bir ermeni "siziň diliňiz ýok, elipbiýiňizem ýoga" diýipdir, birhili bolupdyrlar, çyndanam pikir etdim welin elipbiýimiz ýokdy şol wagt diýýär. Garaşsyzlygymyzy alanymyzdan soň düzdiler dillerden toplap. Indi näme bolsa-da hemme zat bar, okamana mümkünçilik bar.

"Ylym öwren, kimiň ylmy bolmasa hormaty bolmaýar"