Pälwanyň aýdymymyka diýdimä.

Dost
Oýlanyp saýlap al juwanlyk çagyň,
Gatnaşjak çyn dostuň dogandan beter.
Hiç dostsuz bilinmez barlygyň-ýoguň,
Ilki çyn dost gazan aş-nandan beter.

Çyn dost şärik at-abraýyňa, aşyňa,
Çyn dost hormat goýup geler gaşyňa,
Çyn dost bagt guşudyr, täç et başyňa,
Çyn dost derdiň aňar lukmandan beter.

Çyn dost syryň açmaz köýse gowrulyp,
Çyn dost kyn günüňde gaçmaz sogrulyp,
Çyn dost aýbyň bolsa aýdar dogrulyp,
Çyn dost degerlidir dermandan beter.

Daýansa güýç alar egin-eginden,
Halaşsa suw içer göwün-göwünden,
Adamlaň dostlugy ýazsa bogundan,
Kalplary bolmazmy zyndandan beter.

Aga Teke aýdar, özüm şaýadam,
Gudratyň güýçlüsi dostluk eý, Adam!
Ýa barmyka mundan mukaddes zadam,
Belki, çyn dost zerur wyždan deý beter.

Aga Teke

Şol.

Tüweleme, örän ajaýyp. Gowy ýazypdyr. (Ertir kopiýalap alaryn.)

Hiayress,
Döwlet Garkyn gowy ýazýar.

Nirvana,
Arada, kitapçyda bir goşgusyna kellä geýipdim. :)

Aga Tekäñ şul aýdymynam gaty gowy ýerne ýetirýar Halmyradow. Diñlap doyup bilemok.

Hiayress,
Sen edersiň. :) Kitapçydan alyp goýan goşgularyňdan ugradaý. Şol bir awtor bolmasa gowy. Şol saýt ýapylanyndan soň we öňden bäri bir gowy goşgulara teşne bolup gitdim…

Nirvana,
Kitapçy ýapylar diýen pikir kellede bolmasa näme.)) Hiç zadam almadym. Gerek wagty girip görip ýördim. Indi bir açylsa bolýar. Tutuş bazasyny kopiýalap aljak. :)

Hiayress,
Kopýalap alanyňdan soň menem ýatlagyn.

Ötegçi,

Pälwanyň islendik aýdymyny diňläp doýup bolanog-a.

Bolmasa
Saglyk bolar bu durmuşyň gözbaşy
Dünýä dardyr sagat janyň bolmasa.
Adam doýmaz berseň müň dürli aşy,
Saçagyňda bugdaý nanyň bolmasa.

Ýüregiň sap sakla ile garasaň,
Alkyş ýagar toý-ýasyna ýarasaň,
Lukman bolup hassa halyn sorasaň,
Dert ýeňlemez derman sözüň bolmasa.

Mydam gulluk etseň ýagşy niýete,
Eýe eder at-abraýa, döwlete,
Agzybir maşgalaň dargar her çete,
Adylly aksakgal ulyň bolmasa.

Aga diýr, aýby ýok garyp bolanyň,
Beterdir baý bolup garyp öleniň,
Doýurmaz diläniň, mugt alanyň,
Rysgal ojagynda paýyň bolmasa.




Garrytma meni
Hemmäni garrydan, eý, köne dünýä,
Ýaş kimin ýaşaýyn, garrytma meni!
Göwnümde galmasyn hiç kine dünýä,
Ýaş bolup joşaýyn, garrytma meni!

Razy edip ene-ata, gaýyny,
Saýlap aldym gözelleriň aýyny,
Nesip etse agtyklarmyň toýuny,
Arkaýyn göreýin, garrytma meni!

Bahar pasly bulutlaryň göçüşin,
Toýnak gurap durnalaryň geçişin,
Dag maralnyň çeşmeden suw içişin,
Ýene-de synlaýyn, garrytma meni!

Seýle çykyp, gülälekli meýdana,
Dostlar bilen bolup şat-şadyýana,
Suwa düşüp, Derýaboýda howdana,
Erkana ýüzeýin, garrytma meni!

Duýdurman deňimden ýigitlik basym,
Geçipdir çagyrsam eşitmez sesim,
Ýürekde galmasyn arzuw-höwesim,
Arzuwma ýeteýin, garrytma meni!

Dünýäden doýmadym, ynan, sözüme,
Gördügimçe gözel görner gözüme,
Watanmyň topragyn sürtüp ýüzüme,
Erkana gezeýin, garrytma meni!

Aga Teke

Gel indi ýatlama unudan söýgiň
Meň eziz ýarym
Ömrümiz ötünçä görkez mertligiň
Meň eziz ýarym
Aglama gijeler ýaryňdan ogryn.
Gozgama bitmedik ýürek ýarasyn
Aglama gijeler heeeý ýaryňdan ogryn.
Bile söýgiň çeşmesine ýöredik,
Gana-gana ondan doýabilmedik.
Men bilmedim nirelerde eglendik
Aglama gijeler ýaryňdan ogryn.
Indi puşman etmek ýaraşmaz merde
Meň eziz ýarym
Aşygyň ýüregi ölinçä sende
Gozgama bitmefik ýürek ýarasyn
Aglama gijeler meň eziz ýarym

Pälwan Halmyradow “Ýaryňdan ogryn”

eto pesnya horosho++

Nirvana,
Bolýahh))

Şuny menem pikirlenip otyrdym, garaşyp.

Geň galaýmaly, menem tanadym. Mümkin Pälwanyň aýdymy bolansoňdyr.

Granger,
Gowy materiallar köpdi. Hasam, Mopassanyň nowellalaryny, Eziz Nesiniň hekaýalaryny, Tirkiş Jumageldiýewiň eserlerini käwagt-käwagt ýaman göz aýlasym gelýär.))

Bir gezegem däl, gaýtalap okanlamam bardy şolaň içinde.
Men ol saýta "türkmen wikipediýasy" diýýädim.

Granger,
Wikipediýasy etjek bolup hemme taraplaýyn jana edilýärdi.

Ho gün bazarda Aga Tekäň goşguly kitabyny görüp geň galypdym ol adam goşgam yazyadymy dp welin bärde-de bar eken goşgulary. Respekt.

Vpn ishletde archive orga gir ;)

Agyr goşgy eken. Okap dynýançam nämüçindir, Hajy Ýazmämmedowyň "Sen ýanymda bol" diýýän aýdymynyň klarnetda çalynýan sazy gulagymda ýaňlandy durdy.

Khanture,
hantore gowmy
platny kitaplary alyp bilyanmi mugt ya hokman toleg etmelimi ?¿

Ay bilmedimda ony.

Ra 4444,
Sen sho Ra-my? Ýitdiň gitdiňaý?! Barmyň?

Talyplardaky Ra agzamyka şu?
Tanaýadyňmy şol agzany?

Edil ozi pocerkim menzeshmi nadip tanadynyz :)
Bar bar gowmy siz¿

Bu aýdymy daşary ýurtlaryň terjime edilen aýdymydyr öýdýärdim. Bu aýdymy ýatdan bilýädim sözleri üçin.
Döwlet Garkynyň ýene goşgularyndan bar bolsa paýlaşsaňyz sizden hoşal bolardym.