Sen-ä hüýrdüň, menem gerçek ýigitdim,
Sen-ä Leýlä, men Mežnuna deňeldik.
Men senden gitdimmi, sen menden gitdiň... —
Biz barybir aýralyga ýeňildik.

Biz barybir boýun egdik takdyra
(Aglamaga bahana bi, sebäp bi...).
Bognum ysmaz “Öz deňiňi tap” diýre,
Sebäp hijre tas gursagym eräpdi...

Ýadamazak ýadym bardy, güýçlüdim,
Ýadym ýeke didar bilen gurşaldy.
Dagyldym men.
Pytramsoň üýşmedim,
Yşkdan gördüm höwesimiň gurşanny.

Öz-özümi derde berdim.
Bagyşla
Seňem derde ýoluganňy dermansyz.
Biz jeza gazandyk ümüş-tamyşda —
Hiç kimsäniň habary ýok, permansyz...

10.04.2022 ý.

Sapa HOMMADOW.