Dürlere gatyşmadyk,
Bir dänejik dürdügimi,
Zergäre sataşmadyk,
Bir zerrejik zerdigimi,
Pikir etmän,
Añşyrman,
Biri maña"Dana"diýdi,
Biri:"Bolşuñ näme"diýdi,
Kimse meni adyl saýdy,
Kimse bolsa duşman saýyp,
Diýdi:"Dardan asylsady".
Herkim baha berdi,
Göwnüne görä.
Hiç kim tanamady,
Göwnüme görä.
Meniñ bolsa,
Asmakçy bolýanyñam,
Garynja deý üstümden,
Basmakçy bolýanyñam,
Üstüne saýa bolup,
Ganatymy gerdigimi,
Ýörejek ýodasynda,
Tüm gijede nurdugymy,
Añmadylar...

Gyzylgül Annagylyjowa