Söýgi hem-de jady (goşgy)
Ýüregimi berip jadyň eline,
Diýdim, çalmaz ýaly aýralyk heňin,
Jadylaň siz meniň eziz ýüregim,
Gaýdyp beriň eger, tapylsa deňim.
Jadygöý tiňkesin dikip ýürege,
Kellesin gazady ençeme sapar.
Gorkuly göz bilen ýüzüme bakyp,
Diýdi, hak aşyklar öz taýyn tapar.
Eline aldy-da jady kitabyn,
Okady bat bilen ençeme setir.
Gatlaryny ýapyp, oklady çete,
Diýdi, haýyş bitdi, pullarym getir.
Men bolsa elimi ýetirdim jübä,
Howlugyp sanadym, jyn kowýan ýaly.
Kä alňasap, kä aljyrap durşuma,
Okladym öňüne bermeli paýy.
Jadygöý myssardy, pullaryn sanap,
Ýygşyrdy olary demir sandyga.
Jadydan soň, gara daşa öwrülen,
Ýüregimi oklady gür ýandaga.
Aklym ýetmän bolup geçen zatlara,
Dikdim jadygöýe, soragly nazar.
Näme diýjegimi gözümden aňyp,
Diýdi, söýgi bir gün bu daşy tapar.
Şonda ýyladar ol, bu gara daşy,
Bakylyk ereder, ýürek jadysyn.
Goý, seniň gözleriň agydan däl-de,
Söýgiň şatlygyndan, gülip ýadasyn.
Ondan bäri geçdi ençeme aý-gün,
Garaşýaryn henizem çyn söýgime.
Ýadamaryn geçsin-gitsin pasyllar,
Bil baglaýan arassa, päk duýgyma.
Awtor : Sabyr Ýegelekow - (#SaDMaN)
04.07.2022.ý - 19:45
Diýdim, çalmaz ýaly aýralyk heňin,
Jadylaň siz meniň eziz ýüregim,
Gaýdyp beriň eger, tapylsa deňim.
Jadygöý tiňkesin dikip ýürege,
Kellesin gazady ençeme sapar.
Gorkuly göz bilen ýüzüme bakyp,
Diýdi, hak aşyklar öz taýyn tapar.
Eline aldy-da jady kitabyn,
Okady bat bilen ençeme setir.
Gatlaryny ýapyp, oklady çete,
Diýdi, haýyş bitdi, pullarym getir.
Men bolsa elimi ýetirdim jübä,
Howlugyp sanadym, jyn kowýan ýaly.
Kä alňasap, kä aljyrap durşuma,
Okladym öňüne bermeli paýy.
Jadygöý myssardy, pullaryn sanap,
Ýygşyrdy olary demir sandyga.
Jadydan soň, gara daşa öwrülen,
Ýüregimi oklady gür ýandaga.
Aklym ýetmän bolup geçen zatlara,
Dikdim jadygöýe, soragly nazar.
Näme diýjegimi gözümden aňyp,
Diýdi, söýgi bir gün bu daşy tapar.
Şonda ýyladar ol, bu gara daşy,
Bakylyk ereder, ýürek jadysyn.
Goý, seniň gözleriň agydan däl-de,
Söýgiň şatlygyndan, gülip ýadasyn.
Ondan bäri geçdi ençeme aý-gün,
Garaşýaryn henizem çyn söýgime.
Ýadamaryn geçsin-gitsin pasyllar,
Bil baglaýan arassa, päk duýgyma.
Awtor : Sabyr Ýegelekow - (#SaDMaN)
04.07.2022.ý - 19:45
9комментариев
Чтобы оставить комментарий, необходимо на сайте.
