LIRIKI GOŞGY

Meniň itler bilen ýaşasym gelýär,
Üýrüşinden janyň gönenip gidýän.
Meniň itler bilen ýaşasym gelýär,
Haýbatyndan agzyň öwelip gidýän.
...Namysa galaýsa, namysdan ölýän,
Itler bilen meniň ýaşasym gelýär...

Meniň itler bilen ýaşasym gelýär,
Ak, ala, sarymtyl, gara, goňurrak...
Ar almaly bolsa, bir özüni däl,
Hakyn alyp, aňyrkynam oňarýan,
...Edenin, edýänin, etjegin bilýän,
Meniň itler bilen ýaşasym gelýär.

Wepa hakda samyrdydan daş bolan,
Ilki namys, onsoň meýli aş bolan.
Eýesiniň gapysyny gujaklap,
Ölensoňam, ho-ol hendege taşlanan...
...Dünýäni it bolup, it bolup ýeňýän,
Itler bilen meniň ýaşasym gelýär!

Aýgül GARAÝEWA