Başladyk. Jedelli we jogaby näbelli mowzuklara. Häzirki zamanyň talaby şeýle. Diňe çylşyrymly kelle agyrtmalardan manyly we gerekli zatlary alyp bolýar.
Bir tanyşym barada aýdyp bereýin. Eýýäm mekdepde okaýarka, goşgylar, gazallar ýazypdyr. Esasan, söýgi temasyna degişli.Mekdebi gutaryp, ýazyjy we şahyr bolmak üçin ýörite kurslarda okapdyr. Şu döwürde hem onda bir pikir döräpdir. Onuň üçin örän wajyp. Kitap ýazmak. Ýazyjy-şahyr bolmak. Özäm meşhur, tanymal hemde pully ýazuwlar ýazmak isläpdir. Bu barada onuň özi maňa aýdyp berdi. Wagt geçiberipdir. Ýazyp başlapdyr.Ähli ýazan zatlaryny bir ýere jemleseň uly göwrümli kitapdan üç kitap dagy çykjak. Ýöne birden onuň yhlasy gaçypdyr. Ýazanlaryny özi ýigrenip başlapdyr we kem-kemden özüne şeýle diýiipdir.
-Ile görkezerligi ýok.
Şeýle diýipdirde ähli ýaznlaryny bir ýere jemläp otlapdyr. Hemem täze pikire gelipdir.
-Täze kitap ýazjak.
Ýazanlaryny bolsa özünden başga hiç kim okamandyr.
Ýenede wagt geçipdir. Ýöne indi ýazasy gelmändir. Ýöne şondada özara gepleşip otyran wagtymyzda ol özüniň ýenede ýazjakdygyny wada berýär.
Ine, men size çylşyrymly sorag bereýin. Bu tanyşym näme barada ýazyp, soňra ýazanlaryny özi ýigrenip bilmegi mümkin. Eger ol indi hiç zat ýazmasada, üç kitap boljak ýazuwlary üçin ony ýazyjy-şahyr diýip bolarmy?.
Ýazyjy-şahyr diýip kime aýdylýar? Haýsy pursatda biz ýazyjy, haçan kitabymyz çap bolandamy?