Gudrat bolup bu dünýäme dolupsyñ,
Açylypsyñ bahardaky gül deýin.
Dünýäm giñäp, bolup bagtyñ mesgeni,
Shugla salar ýarym aýkamar deýin.

Şübhäm ýokdur bagtyñ meni tapanyna,
Onuñ sahawaty seçýär nuruny.
Gül bolup her tarap gülzara döner,
Başyn eger güller görse ýarymy.

Neneñsi gözellik bu ajap duýgy,
Ynsanyñ kalbynda ataş deý ýanar.
Söndürmäge güýji ýetmez bakyşlañ,
Sönäýse-de, diñe posaly söner.

Uzaklyk üýtgetmez ýürek söýgimi,
Gaýta yşk oduny kuwwatlandyrar.
Söwer ýarym, seni görjek günlerim,
Ýürek arzuwlarym ganatlandyrar.

Söýgi diýp dünýeden geçmeli bolsa,
Hazar mydam taýýar onuñ ýoluna.
Bir gyzyñ bagtyny açmaly bolsa,
Özüm bagş eýlärin saýlan ýaryma!