Ýolbaşçylaryň aglabasy şeýle başlapdyrlar.

Dünýäde adamlaryň iki hilisi bolýar. Biri-liderler, beýlekisi-ýerine ýetirijiler.
Owal başdan anyk netijä geliň: öz ugruňyzda lider bolmak isleýäňizmi ýa-da ýerine ýetiriji bolup galmak?! Girdejilerdäki tapawut ägirt uly. Lideriň almagy umyt edýän girdejisine ýerine ýetiriji bil baglap bilmez, umuman, ýerine ýetirijileriň köpüsi hut şeýle girdejä garaşmak bilen, ýalňyşlyk goýberýärler.
Ýerine ýetiriji bolmak-masgaraçylyk däl. Beýleki bir tarapdan, bu ýerde buýsanar ýaly zat hem ýok. Beýik liderleriň aglabasy ýerine ýetirijiniň rolundan başlapdylar. Emma akylly ýerine ýetiriji bolandyklary sebäpli, olar beýik lider boldular. Juda ujypsyz ýagdaýlary hasaba almasaň, esasan, liderleriň görkezmelerini akylly-başly ýerine ýetirmegi başarmaýan kişi meşhur lider bolup bilmez. Ýerine ýetiriji hökmünde has netijeli hereket edýän kişi, adatça, tiz ösýär we liderlige ýetişýär. Akylly ýerine ýetiriji köp artykmaçlyklara, şol sanda liderden öwrenmek mümkinçiligine hem eýedir.