Gowy bishen erigiñ saglyk üçin peýdasyny sanap gutarar ýaly däl. Halk hekimleri ony ýüregiñ agyranda iñ gowy dermanlaryñ biri hasaplaýarlar. Çünki onuñ düzümindäki çakyr turshulyklary, krahmal, dürli hili mineral duzlar iññän peýdalydyr. Onuñ mañzynda bolsa 30-50 göterime çenli ýag saklanýar.

Alymlar uzak ýashaýan käbir taýpalaryñ syryny erigi juda köp iýýändikleri bilen baglanyshdyrýarlar. 100 gram erigiñ edýän täsiriniñ 200 gram täzeje balygyñkydan hem artykdygyny olar subut edipdirler. Erik köp iýlende içegeleriñ ishini kadalashdyrýar, ýüregi gerekli ýokumlar bilen üpjün edýär.

Täze bishen erigi shol durshuna hem iýýärler. Ondan mürepbe, bal hem gaýnadylýar. Erigiñ kishdesiniñ ýürege, bagra oñaýly täsiri has uludyr. Shonuñ üçin onuñ suwy adam bedenine ýaramly önümleriñ biri hasaplanýar. Ol iki-üç nahar çemçesi dolduryp içilende, onuñ adamyñ gündelik almaly ýokumlaryny berip bilýändigi hem bellidir. Erigiñ kishdesini agsham ezip goýup, irden hem suwuny içseñ, ol içi ýumshadýar. Bedeni kaliý duzy bilen üpjün edýär. Erigiñ düzümindäki demir azganlylykdan ejir çekýänlere iññän peýdalydyr.