PARS ÄHEŇLERINDEN

Baryp şu gün bir serrapdan* soradym,
Ýarym tümen näçe bolar rubldan?
Läle jandyr meniň ömür soragym,
Parsy dilde "söýýän" sözün tanat sen?

Baryp şu gün bir serrapdan soradym,
Ýelden ýumşak, sazdan şirin söz bilen.
Läle jandyr ömür meniň soragym,
"Posa" diýmek parsça niçik söz bolar?

Ýene baryp şol serrapdan soradym,
Kalpda gizläp ýygralygmy duýmany.
Läle jandyr meniň ömür soragym,
Öwret maňa "Sen meniňki" diýmäni!

Serrap maňa jogap berdi gysgajyk,
Söýgi - beýan edilmeýär sözlerde.
Söýgi diýmek - ah urmakdyr üýtgeşik,
Ogryn bakyp, syryň açyp gözlerde.

Posanyň sözlerde bolmaýar ady,
Posa - diwardaky ýazgy däl bärde.
Bägül reňkli yzdyr galdyrýan zady,
Gülüň özi eräp gidip leblerde.

*Serrap - pul çalyşýan (maýdalaýan) adam.

Sergeý ÝESENIN