Russiýa düýn Ukraina uruş başlatdy. Ençeme gün bäri dowam edip gelýän çekeleşik urşa öwrüldi. Aslynda iki tarap hem serhetde taýynlyk geçirip ýördüler. Russiýa ençeme tanklaryny, müňlerçe esgerleri Ukraina göýberdi. Putin düýn agşam Ukraina uruş yglan edendigini belli etdi. Şo gün Ukrainanyň prezidenti Zelenskiý Putine jaň etse-de Putin almady. Diplomatik gatnaşyklar doly çökdi. Russiýa Ukraina 14 tarapdan çozdy. Rus goşunlary Ukraina doly girdi. Ençeme şäherlerini derrew basyp aldy. Tanklary köçelerde maşynlaryň üstünden geçip aýlanyp ýörler. Sagat 12:00 töwereklerinde Russiýa tanklary we agyr harby ulaglary Ukraina girdi. Russiýa roketalary hiç durmady. Gije-gündiz Kiýewe roketalar atyldy. Roketalar şäheriň ençeme ýerine degdi we köp binany weýran etdi. Roketalar gijäni gündize öwürdi.
Amerika tarapy ýene Ukrainany ýalňyz goýdy. Ýewropa, NATO we Amerika hiç bir zat etmedi. Diňe ýazgardylar. NATO-nyň başlygy Stoltenberg Ukraina esger göýbermejekdiklerini belli etdi. Amerika we Ýewropa tarapy uly embargo we sanksiýa etjekdiklerini aýtdylar. Ukrainanyň prezidenti Zelenskiý "Bizi ýalňyz goýdular" diýdi. Ençeme ýurt Russiýanyň bu herekedini ýazgardy. Türkiýe hem "Bu herekediň kabul edilmegi mümkin däl" diýdi. Russiýa iň soňunda Ukraina çozupdy, Ukrainany basyp almak hereketleri doly başlady.
Her uruşda bolşy ýaly ýene gynandyran wakalar bolup geçdi. Bolan ýene halka boldy. Ruslaryň harby uçarlary Ukraina-da "çekindirmek uçuşy" geçirdiler, bu halkyň gorkusyny iň soňky derejesine ýetirdi. Ençeme adamlar metrolara gizlendi. Ençeme kişi gaçmak üçin Polşa serhedine gitdi, ýollar maşynlar bilen doldy. Maşynlaryň yzy üzülenokdy. Ukrainanyň hökümeti 137 ynsanyň ölendigini, olaryň 2-siniň çagadygyny aýtdy. Kakasyny urşa ugratjak bolup duran kiçijek gyzyň ahy-nalasy gaty gynandyrdy. Ýesir alynan rus esgerlerem boldy. Russiýa Ukraina esgerlerine "tabyn bol" duýduryşy berdi. Garşylyk görkezmedige zat diýilmejekdigini aýtdy. Zelenskiý bolsa eli ýarag tutup bilýän hemme kişä ýarag beriljekdigini aýtdy. Ukrainadan gaçyş dowam edýär.
Käbir rus uçarlary düşürildi. Russiýa ençeme agyr ýaraglaryny we roketalaryny ulandy, yzygiderli roketalar atyldy we şäherlere baryp düşdi. Käbir žurnalistler göni ýaýlymda şaýat boldy bu zatlara. Zelenskiý bolsa "Nyşan men, ikinji nyşan bolsa maşgalam" diýdi. Ol Ukraina halkynyň ýurduny goramalydygyny aýtdy.
Ruslar hemme kada-kanuny bozdy. Rus esgerleri şu gün Çernobili alypdy. Kiýewiň gapylaryna ýetdi. Türkiýäniň prezidenti Ärdogan "Ýewropa döwletleri ýene ýalňyz goýdy. Diňe nesihat berýärler. Bu nesihatlar bilen hiç ýerik baryp bolanok, NATO-nyň has uly bir ädim ätmegi gerekdi" diýdi. Häzir hemme liderler ýygnakda. Şu gün 5-de NATO liderler ýygnagy hem bolup geçdi. Nähili karar çykjagy doly belli däl. Uruş bolsa dowam edip dur.